AQSh Qyrǵyzstannyń ońtústiginde qosymsha keńse ashýda
BІShKEK. Qyrkúıektiń 22-si. QazAqparat /Arnur Rahymbekov/ - Amerıka Qurama Shtattary Oshta ýaqytsha keńse ashýda,
ol keńse Kómekti úılestirýdiń ýaqytsha ortalyǵy dep atalatyn bolady (Temporary Assistance Coordination Unit - TACU). Bul týraly QazAqparatqa AQSh-tyń Qyrǵyzstandaǵy elshiliginen habarlady.
TACU ortalyǵy Qyrǵyzstannyń ońtústik óńirlerine AQSh kórsetip otyrǵan túrli kómektesý baǵdarlamalaryn úılestiretin bolady, AQSh bul aımaqty qalpyna keltirý, qaıta qurý jáne bitimge keltirý jónindegi gýmanıtarlyq jobalarǵa 58 mıllıon dollar bólip otyr.
«AQSh Qyrǵyz Respýblıkasyna gýmanıtarlyq kómek kórsetýdi qoldaıdy jáne qurylyp otyrǵan keńse eldiń ońtústigindegi halyqtyń muqtajdyqtaryn jaqsyraq baǵalaýǵa jáne basqa halyqaralyq donorlarmen óz jumysyn úılestirýge múmkindik beredi dep kútýde», delingen elshiliktiń habarlamasynda.
