AQSh Qyrǵyzstanda taǵy bir áskerı baza qurýdy josparlaýda
ASTANA. Tamyzdyń 9-y. QazAqparat - AQSh Qyrǵyzstanda, Osh qalasyna jaqyn jerde taǵy bir áskerı baza qurýdy josparlaýda, - bul týraly Washington Post basylymy jazyp otyr, dep habarlaıdy «Eho Moskvy» radıostansasy.
AQSh Qorǵanys mınıstrligi, ol jerge sarbazdarǵa arnalǵan kazarmalar men ofıtserlerge arnalǵan jataqhanalardyń jaıǵastyrylatynyn málim etýde. Onda ornalasatyn jeke quramanyń qolynda atys qarýlarymen qosa, mınometter jáne granatometter bolady. Ol jerge aýyr artıllerııa men saýytty tehnıka ornalastyrý josparlanbaǵan.
Aldyn-ala málimetter boıynsha, atalǵan aýmaqty jaldaý aqysy jylyna 10 mıllıondaı dollardy quraıtyn bolady.
