AQSh Kýbaǵa qatysty sanktsııany jumsartty
ASTANA. QazAqparat - Vashıngton AQSh azamattary úshin Kýbaǵa saparǵa jáne kýbalyq kásipkerlermen yntymaqtastyqqa qatysty shekteýdi jumsartty.
Atap aıtqanda, endi amerıkalyq kompanııa Kýbada enshiles qurylymdar ashyp, jergilikti fırmalarmen birlesken kásiporyn qura alady.
Budan basqa, jyl sońynda elder arasynda tikeleı pochta qatynasy men turaqty kommertsııalyq avıareıster qalpyna kelýi múmkin dep kútilýde.
Jumada AQSh prezıdenti Barak Obama Vashıngtonda kýbalyq elshilikten senimgerlik gramotasyn aldy. Dıplomat sońǵy jarty ǵasyrdaǵy AQSh-taǵy Kýbanyń alǵashqy elshisi atandy.
Elder arasyndaǵy dıplomatııalyq qatynastardy qalpyna keltirý sheshimi shildede qabyldandy. Sol kúni araldyq memleket Vashıngtonda elshilik ashty.
Tamyzda Kýbaǵa resmı saparmen memlekettik hatshy Djon Kerrı kelgen bolatyn. Ol 1945 jyldan bastap Kýbaǵa kelgen mundaı dárejedegi alǵashqy amerıkalyq saıasatker boldy.
