AQSh kitaphanasyna 99 jyl buryn alynǵan kitap qaıtaryldy

ASTANA. KAZINFORM – Nıý-Djersıde (AQSh) turatyn 81 jastaǵy Merı Kýper atasy 1926 jyly kitaphanadan alǵan kitapty tapty, dep habarlaıdy CNN.

Áıel kitapty 99 jyldan keıin kitaphanaǵa qaıtardy.

Aǵashtan, temirden jáne basqa da materıaldardan balalar oıynshyqtaryn jasaýdy úıretetin bul kitap 1911 jyly shyqqan. Kýper ata bul kitapty qaıtys bolarynan bir jyl buryn kitaphanadan alǵan. Áıeldiń sanaýynsha, ol óziniń qyzy, Merıdiń bolashaq anasy úshin birdeńe jasaǵysy kelgen.

Merı Kýper kitapty kitaphanaǵa bermes buryn biraz qobaljydy. Olar kitapty qabyldaı ma, álde keshikkeni úshin aıyppul sala ma (bir ǵasyrǵa jýyq ýaqytta 18 myń dollar aıyppul jınalýy múmkin edi).

Kitapty kórýge kitaphananyń on qyzmetkeri kelip, tabylǵan zatqa dán rıza boldy. Sırek kezdesetin kitap Toms-Rıverdiń estelik kórmesine qoıyldy jáne qazir barlyq oqyrmandar úshin qoljetimdi.

Osyǵan deıin AQSh-tyń áskerı ǵarysh ushaǵy 14 aıdan keıin Jerge oralǵany týraly jazdyq.