AQSh «Krokýstegi» teraktini uıymdastyrdy degen kúdikpen bir adamnyń ustalǵandyǵyn málim etti

ASTANA. KAZINFORM – Mohammad Sharıfýlla «Islam uıymyna» (Qazaqstanda tyıym salynǵan uıym) kiretin «Vılaıat Horasan» terrorıstik tobynyń yqtımal múshesi, dep habarlaıdy VVS.

AQSh-tyń ádilet mınıstrligi oǵan birqatar terrorıstik aktilerdi uıymdastyrdy degen aıyp taǵyp otyrǵandyǵyn málim etti. Olardyń ishinde Máskeý mańyndaǵy «Krokýs Sıtı Hollǵa» jasalǵan shabýyl da bar.

Kúdikti «Krokýs Sıtı Holl-ǵa» shabýyl jasaǵan lańkesterge nusqaý berip otyrǵandyǵyn moıyndady. Naqtyraq aıtqanda ol teraktige qatysýshylarǵa Kalashnıkov avtomatyn qalaı paıdalaný kerektigin kórsetken. Sonymen qatar Sharıfýlla tutqyndalǵan eki lańkesti tanyǵanyn aıtty.

AQSh bıligi atalǵandarmen qosa Sharıfýllanyń 2021 jyldyń tamyz aıynda jankeshtiniń shabýylynan qaza tapqan 13 amerıkalyq áskerı qyzmetshiniń ólimine jaýapty dep esepteıdi.

Eske sala ketsek, 22 naýryz kúni Máskeýdiń soltústik-batysyndaǵy «Crocus City Hall» kontsert zalynda atys bolyp, kamýflıaj kıgen adamdar oq jaýdyrǵan edi. Oqıǵa saldarynan 150-den astam adam jaraqat alyp, 100-den astam adam mert boldy.