AQSh koronavırýsty anyqtaıtyn veb-saıt jasap jatyr – Álemdik baspasózge sholý
Grenlandııa men Antarktıdada muzdyń erýi artty - VVS
Grenlandııa men Antarktıdada muz 1990 jylǵy kórsetkishpen salystyrǵanda alty ese jyldam erip jatyr, dep habarlaıdy VVS. Ǵalymdardyń aıtýynsha, buǵan jahandyq jylyný áser etýde.
«1992-2017 jyldar aralyǵynda Grenlandııa men Antarktıdada 6,4 trıllıon tonna muz erigen. Sonyń nátıjesinde teńizdiń jahandyq deńgeıi 17,8 mm-ge kóterilgen», - deıdi Ulybrıtanııadaǵy Lıds ýnıversıtetiniń professory Endrıý Shepard.
Onyń aıtýynsha, muz erýiniń qazirgi jyldamdyǵy teńiz jaǵalaýyndaǵy aýmaqtardyń sý astynda qalýyna jáne jerdiń erozııasyna alyp keledi.
«Eger osy qarqyn saqtalatyn bolsa, 2100 jylǵa qaraı jyl saıyn 400 mln adam sý basý qaýpin sezinetin bolady», - dep jazady basylym.
Aıta ketý kerek, Grenlandııa men Antarktıda 1990 jyldary jylyna 81 mlrd tonna muzdan aıyrylsa, 2010 jyly bul kórsetkish jylyna 475 mlrd tonnaǵa jetken.
Jumysqa velosıpedpen barý qaýipti - CNN
Jańa zertteý nátıjesinde anyqtalǵandaı, jumysqa velosıpedpen barý basqa kólik quraldaryna qaraǵanda qaýipti bolyp shyqty. Ǵalymdar velosıpedpen júrý fızıkalyq forma men densaýlyq úshin paıdaly bolǵanymen, onyń qaýipti ekenin anyqtady, dep jazady CNN.
«Velosıpedpen júrý jaraqat alý qaýpin arttyrady. Dál sol sebepti Ulybrıtanııa halqynyń tek 4 paıyzy velosıpedpen júredi. Al negizinen, halyqtyń 40 paıyzynda velosıped bar. Olardyń barlyǵy jumysqa velosıpedpen barý qaýipti dep esepteıdi», - dep jazady basylym.
Avtordyń aıtýynsha, Glazgo ýnıversıtetiniń ǵalymdary Ulybrıtanııanyń 230 myńnan astam azamattarynyń qatysymen zertteý júrgizdi. Olar anyqtaǵandaı, osy adamdardyń 45 paıyzynan astamy velosıpedpen jumysqa bara jatqanda jaraqat alǵan.
«Zertteýge qatysýshylar 8,9 jyl baqylaýda boldy. Qoǵamdyq densaýlyq saqtaý uıymdary bul zertteý velosıpedpen júretinder úshin qaýipsizdikti arttyrý qajettiligin kórsetkenin aıtty», - dep jazady avtor.
AQSh koronavırýsty anyqtaıtyn saıt jasaıdy – Bloomberg
AQSh-ta Google kompanııasynyń qoldaýymen adamdarǵa óz betimen koronavırýs belgilerin tekserýge múmkindik beretin saıt jasalady. Bul týraly AQSh prezıdenti Donald Tramp aıtty, dep jazady Bloomberg.
«Prezıdenttiń aıtýynsha, saıtta onlaın suraqtar bolady. Sonyń nátıjesinde azamattarǵa koronavırýsqa test tapsyrý qajettiligi anyqtalatyn bolady. Al test Walmart jáne Target sýpermarketteriniń avtoturaqtarynda qoljetimdi bolady. Saıt naqty qalaı jumys isteıtini jáne qashan iske qosylatyny áli belgisiz», - dep jazady basylym.
Aıta ketý kerek, qazirgi tańda AQShtyń 48 shtatynda koronaıvrýs anyqtaldy. Koronavırýs juqtyrǵandar Amerıkada 2 myńnan ósti.
Koronavırýs: BUU qyzmetkerleri qashyqtyqtan jumys isteýge kóshti – UN News
BUU shtab-páteriniń qyzmetkerleri koronaıvrýs kesirinen ashyqtyqtan jumys isteýge kóshti. Bul týraly BUU jańalyqtar qyzmeti - UN News saıty habarlady.
«BUU Bas hatshysy Antonıý Gýterrısh 16 naýryz – 12 sáýir aralyǵynda barlyq qyzmetkerler úıden jumys isteıtini týraly sheshim qabyldady. Qajettilik týyndaǵan jaǵdaıda, mezim uzartylady», - dep jazylǵan habarlamada.
Sonymen qatar aqparatta naqty nusqaýlyqtarǵa júginý kerektigi aıtylǵan.
«Dúnıejúzilik densaýlyq saqtaý uıymynyń nusqaýlyqtaryn barynsha saqtap, vırýstyń taralýyn bseńdetý mańyzdy», - dep jazylǵan aqparatta.
