AQSh Koreıa Respýblıkasyna qosymsha ásker men áskerı tehnıka jiberedi
ASTANA. 8 qańtar. QazAqparat - AQSh Koreıa Respýblıkasyna qosymsha ásker men áskerı tehnıka jiberedi. Bul týraly Pentagonnyń resmı ókili Stıven Ýorren málim etti, dep habarlaıdy ITAR-TASS agenttigi.
«Atalǵan sharalar burynnan beri josparda bolǵan. Bul Koreıa túbegindegi qaýipsizdikti qamtamasyz etýge qatysty bizdiń maqsatymyzdan týyndap otyr», - dedi Ýorren. Aqpan aıynda shamamen 800 áskerı qyzmetkerdi 9 aıǵa Koreıa respýblıkasyna attandyrý josparlanyp otyr. Sonymen qatar M1A «Abrams» tankteri men áskerı tehnıkanyń 40 birligin jiberý kózdelýde. Sarapshylardyń atap kórsetkenindeı, bul qadamdar AQSh-tyń áskerı vektorynyń Aýǵanstan men Iraktan Shyǵys Azııaǵa bet burýdyń aıasynda júzege asyrylýda. Qazirgi ýaqytta Koreıa respýblıkasyna shamamen 28 myńǵa tarta AQSh áskerıleri ornalasqan.
