AQSh kongressmenderine qaýipti hat joldaǵan er adam aıyptaldy
ASTANA. KAZINFORM — AQSh-tyń Illınoıs shtatynda Metıý Anglsbıge Kongress múshelerine aq tústi túıirshikti zat salynǵan jáne ses kórsetken tórt hat jiberdi degen aıyp taǵyldy, dep habarlaıdy Kazinform agenttiginiń menshikti tilshisi NBC News basylymyna silteme jasap.
Anglsbı FTB qyzmetkerlerine Kongress múshelerine tórt hat jibergenin moıyndaǵan kórinedi. Onda belgisiz zat salynǵan jáne «Ha-ha, syılyǵyńnan lázzat al!» degen jazý jazylǵan hat bar. Onyń bul áreketke osy aıdyń basynda basqa adamdarǵa da osyndaı hat jiberilgenin bilgennen keıin barǵany aıtylady. Konvertterde Anglsbıdiń aty-jóni men mekenjaıy kórsetilgen.
Federaldyq tergeý bıýrosynyń (FTB) málimetinshe, Englsbı hattardy alýshylar qaýipti dep qabyldaıtynyn bilgenin moıyndaǵan. Ol hattardaǵy túıirshikti zattyń tuz ekenin, biraq onyń kúıdirgige (sibir jarasyna) azdap uqsaıtynyn aıtqan. Alaıda buǵan deıin osyndaı hattar jiberýge qatysy baryn joqqa shyǵarǵan edi.
Anglsbıdiń úıin tintý kezinde FTB qyzmetkerleri Kongress múshesine arnalǵan besinshi konvertti tapty. Konvert bos ári jelimdelmegen. Tergeýge belgisiz adamnyń saıasatkerlerge kúmándi zat jiberýdi josparlaǵany týraly habar túrtki bolǵan.
Anglsbıge jalǵan aqparat taratý, jalǵan áreket jasaý jáne qoqan-loqy mazmundaǵy habarlamalar jiberý aıyptary taǵyldy.
Buǵan deıin Tramp saılaýdaǵy burmalaýshylyqty áshkerelegenderge 1 mln dollar usynǵany habarlanǵan bolatyn.
