AQSh Kongresiniń Ókilder palatasynyń zań shyǵarýshylary Túrkııanyń mártebesin ózgertýge umtylýda

ASTANA. KAZINFORM — AQSh Ókilder palatasyna engizilgen jańa zań jobasynda kongressmender Memlekettik departamentten Túrkııanyń sanatyn ózgertip, ony Eýropa jáne Eýrazııa isteri bıýrosynan Taıaý Shyǵys isteri bıýrosyna aýystyrýdy suraıdy, dep habarlaıdy Kazinform agenttiginiń menshikti tilshisi.

Búginde AQSh Memlekettik departamenti Túrkııany «eýropalyq el» retinde jikteıdi. Eger zań jobasy qabyldansa, ol Iran, Sırııa jáne Lıvııamen bir dıplomatııalyq sanatqa kóshiriledi.

Atap aıtqanda, zań jobasy Memlekettik departamentten 90 kún ishinde Túrkııanyń dıplomatııalyq mártebesin qaıta qaraýdy jáne onyń Eýropadan shyǵarylýynyń saldaryn baǵalaýdy talap etedi.

Túrkııa úkimeti Kongress músheleriniń eldiń syrtqy saıasaty men eýropalyq baǵytyn sıpattaýyna kelispeıtinin bildirdi, dep habarlaıdy FOX News.

— Túrkııanyń eýropalyq sáıkestigi — daýsyz tarıhı jáne geostrategııalyq fakt. NATO-nyń, Eýropa Keńesiniń, EQYU-nyń belsendi múshesi jáne EO-nyń assotsıatsııalanǵan múshesi retinde Túrkııa eýropalyq ınstıtýttyq qurylymdardyń jáne olar bildiretin ámbebap qundylyqtardyń ajyramas bóligi, — dedi Vashıngtondaǵy Túrkııa elshiliginiń ókili.

Aıta ketelik Túrkııa halqynyń 30%-dan astamy eski úılerde turatyny týraly jazǵan edik.