Epshteın isi: AQSh Kongresi aqparatty jarııalaý týraly zań jobasyn maquldady

ASTANA. KAZINFORM — AQSh Kongresiniń Ókilder palatasy atyshýly qarjyger Djeffrı Epshteınge qatysty is materıaldaryn jarııalaýdy talap etetin zań jobasyn kópshilik daýyspen qoldady, dep habarlaıdy TASS.

AQSh Kongresiniń Ókilder palatasy pedofılııa úshin sottalyp, keıin óz-ózine qol jumsaǵan qarjyger Djeffrı Epshteınniń isi boıynsha materıaldardy jarııalaýdy talap etetin zań jobasyn maquldady.

Qujatty 427 zań shyǵarýshy qoldap, tómengi palatanyń bir múshesi qarsy daýys berdi. Endi zań jobasy AQSh Senatynyń qaraýyna jiberiledi. Eger Kongresstiń joǵarǵy palatasy maquldasa, ol AQSh prezıdenti Donald Tramptyń qol qoıýyna jiberiledi.

17 qarashada jýrnalısterdiń «zań jobasyna qol qoıasyz ba?» degen saýalyna Tramp ony tolyǵymen qoldaıtynyn málimdedi. Ol buǵan deıin Kongresstegi respýblıkashyl áriptesterin zań jobasyn qoldaýǵa daýys berýge shaqyrdy.

Ótken aptada demokrattar Epshteınniń birneshe tanysymen jáne jaqyn seriktesterimen hat almasýynyń bir bóligin jarııalady. Sondaı-aq Tramp qarjygerdiń qylmysy týraly bilgen bolýy múmkin degen boljam jasady. Al Aq úı demokrattardyń áreketin prezıdentti qaralaý dep baǵalady.

Aıta keteıik, buǵan deıin Tramp pen Epshteın 15 jyl boıy dostyq qarym-qatynasta bolǵany týraly jazǵanbyz.