AQSh Kongresiniń burynǵy qyzmetkeri ózine-ózi «shabýyl jasady» dep aıyptaldy

ASTANA. KAZINFORM — AQSh Kongresiniń burynǵy qyzmetkeri 26 jastaǵy Natalı Grın men onyń sybaılasyna tabıǵat aıasynda ózderine shabýyl jasalǵandaı etip «qoıylym» uıymdastyrǵany úshin aıyp taǵyldy. Bul týraly VVS jazdy.

Prokýrorlardyń aıtýynsha, keıin olar polıtsııaǵa Grınge qarýlanǵan úsh er adam shabýyl jasap, ony baılap tastap, biraz jerine jaraqat saldy dep habarlaǵan.

Grın polıtsııaǵa ózine shabýyl jasalǵanyn, sebebi onyń Nıý-Djersıden saılanǵan respýblıkashyl kongresmen Djefferson Van Drıýdiń keńsesinde jumys istegenin aıtqan.

Polıtsııa oqıǵa ornyna kelgende Grınniń qol-aıaǵy plastıkalyq baılaǵyshpen baılanyp jatqan, onyń jeıdesimen basyn búrkep, al ishine «Tramptyń naqsúıeri» degen jazý, sondaı-aq arqasyna federaldyq qyzmetkerdiń aty jáne onyń tusyna «násilshil» dep jazǵan.

Tergeý barysynda polıtsııa Grın men onyń sybaılasynyń aıǵaqtary bir-birine sáıkes kelmeıtinin anyqtady. Sondaı-aq Grınniń sybaılasynyń oqıǵaǵa deıin az ýaqyt buryn ınternetten «zip ties near me» («jaqyn mańdaǵy plastıkalyq baılaǵyshtar») dep izdeý salǵany anyqtalǵan. Dál sondaı baılaǵyshtar Grınniń kóliginen tabylǵan.

Polıtsııa sonymen birge 500 dollarlyq tólem túbirtegin tapqan. ıAǵnı Grın shabýyl bolǵanyn habarlaǵan kúni dene modıfıkatsııasy mamanyna ózine qoldan jaraqat salǵany úshin aqy tólegen.

«Bul jaıt bizdi qatty alańdatyp otyr. Natalı endi kongressmenniń keńsesinde jumys istemese de, bizdiń nıetimiz ben tilegimiz onymen birge. Onyń qajetti kómekti alyp jatqanyna úmittenemiz», dedi Van Drıý keńsesiniń ókili beısenbi kúni BBC-ge bergen pikirinde.

Eger Grın taǵylǵan eki aıyp boıynsha da kináli dep tanylsa, oǵan 10 jylǵa deıin túrme jazasy jáne 500 myń dollar aıyppul salynýy múmkin. Ázirgeony 200 myń dollar kepildikpen bosatty.

Aıta keteıik, buǵan deıin Kongress óz qyzmetkerlerine qytaılyq DeepSeek qoldanbasyn paıdalanýǵa tyıym salatynyn málimdegen.