AQSh Kongresinde belgisiz ushatyn nysannyń beınejazbasy kórsetildi

ASTANA. KAZINFORM – Respýblıkalyq kongressmen Erık Berlıson tanystyrǵan rolıkte teńiz ústimen joǵary jyldamdyqta ushyp bara jatqan belgisiz qurylǵy baıqalady, dep habarlaıdy DW.

Berlısonnyń aıtýynsha, beınede nysanǵa Hellfire zymyrany tıedi. Ol amerıkalyq Reaper dronynan atylǵan. Alaıda zymyran belgisiz jaǵdaıda «sekirip ketip», al belgisiz ushatyn nysan sol baǵytymen ushýdy jalǵastyrǵan. Kadrlardyń 2024 jylǵy 30 qazanda Iemen jaǵalaýynda túsirilgeni aıtyldy.

9 qyrkúıektegi tyńdaýda kongressmen beınede qandaı nysan bolǵanyn boljaýdan bas tartty.

Biraq ol: «Nege bizge bul aqparatqa qol jetkizýge únemi tosqaýyl qoıylady?» – degen saýal qoıdy.

Pentagon ókilderi vıdeonyń mazmunyna, túsirilgen ýaqyty men ornyna qatysty túsinikteme berýden bas tartty.

AQSh Kongresinde belgisiz ushatyn nysan taqyryby (NASA termınologııasynda – belgisiz anomaldy qubylystar, UAP) birneshe jyldan beri talqylanyp keledi. 2021 jyly amerıkalyq arnaıy qyzmetter atmosferada bolǵan birqatar oqıǵanyń túsiniksiz qalǵany týraly esep jarııalady. 2022 jyly Pentagonda barlyq saladaǵy anomaldy qubylystardy zertteıtin arnaıy basqarma qurylǵan.

Aıta keteıik, Qytaılyq ǵalymdar ǵaryshqa arnalǵan kir jýǵysh mashına jasap shyǵardy.