AQSh kongresmenderiniń basym bóligi Sırııa máselesin soǵys arqyly sheshýge qarsy
ASTANA. 9 qyrkúıek. QazAqparat - AQSh Kongresi Sırııaǵa qarsy áskerı kúshti qoldaný týraly rezolıýtsııany talqylaýǵa kiristi.
Amerıkanyń buqaralyq aqparat quraldary habarlaǵandaı, búginde atalǵan qujatty 100 senatordyń 25-si qoldap otyr. 50 senator ázirshe qalys qalýda. Oǵan qosa, Ókilder palatasynyń taǵy 435 múshesi bar. Olardyń 24-i Sırııa máselesin soǵys arqyly sheshýdi qoldasa, 123-i qarsylyq bildirip otyr. Al qalǵany áli oılanyp jatyr. Jalpy, Amerıka halqynyń basym bóligi soǵysqa qarsy.
Aıta keteıik, AQSh Kongresi eki palatadan turady. Birinshisi - Senat, ekinshisi - Ókilder palatasy. Jaqynda osy eldiń prezıdenti B.Obama Sırııanyń Dammask qalasynda hımııalyq qarýdy qoldaný oqıǵasyna baılanysty B.Asadtyń bıligine qarsy áskerı operatsııany ótkizý bastamasyn kóterdi. Osyǵan oraı, ol arnaıy rezolıýtsııany AQSh Kongresiniń qaraýyna engizdi. Búginde onyń bul bastamasyn álemniń birqatar memleketteri de qoldap otyr. Alaıda halyqaralyq sharttarǵa sáıkes, BUU-nyń ruqsaty bolmaı, áskerı ınterventsııany bastaýǵa bolmaıdy. Beıbitshilik úshin Nobel syılyǵynyń laýreaty B.Obama BUU-nyń sheshimine qaramaı, Sırııaǵa qarsy soǵysty ashýǵa múddeli.
