AQSh Kongresine Tramp ımpıchmenti týraly rezolıýtsııa usynyldy
Demokrattar 6 qańtarda AQSh kongresindegi tártipsizdikterge baılanysty Tramp qyzmetinde qalǵan jaǵdaıda «ulttyq qaýipsizdikke, demokratııa men konstıtýtsııaǵa qaýip tóndiretinine» senimdi.
Ol beıbit jolmen bılikti tapsyrýdan bas tartty dep aıyptalýda. Kapıtolıge sherýshiler basyp kirer aldynda aıtqan sózinde ol saılaýda jeńgenin málim etken.
Rezolıýtsııa avtorlary Trampqa aldaǵy ýaqytta saılanbaly laýazymǵa barýyna tyıym salýǵa shaqyrady.
Ókilder palatasynyń qaraýyna rezolıýtsııa 13 qańtarde jiberilýi múmkin. jańa saılanǵan prezıdent Djo Baıdendi ulyqtaý rásiminen birneshe kún buryn Trampty qyzmetinen taıdyrý úshin parlamentarılerdiń úshten ekisi usynysty qoldap daýys berýi tıis. Alaıda buǵan deıin respýblıkashylardyń kóbi bul bastamaǵa qarsy shyqqan bolatyn.
Kem degende 218 demokratshyl kongressmen qujatty qoldaıtynyn málimdegen. Bul atalmysh usynysty Ókilder palatasynda qabyldaýdy qoldaýǵa jetkilikti. Sodan soń ǵana demokratshyldar ımpıchment isin qozǵaı alady.
