AQSh Kongresi tarıhyndaǵy eń jas áıel depýtat saılandy
VAShINGTON. QazAqparat - Demokrattar partııasynyń múshesi Aleksandrııa Okasıo-Kortes AQSh Kongresine saılanǵan eń jas áıel boldy, dep habarlaıdy «QazAqparat» HAA CNN-ge silteme jasap.
29 jastaǵy Okasıo-Kortes Ókilder palatasyna Nıý-Iork shtaty okrýgteriniń birinen saılanǵan. Burynǵy «rekord» onyń partııalasy 30 jasynda Kongress múshesi bolǵan Elıs Stefanıkke tıesili edi.
Okasıo-Kortes AQSh Kongresine bıylǵy aralyq saılaýda el nazaryn aýdarǵan jalǵyz áıel emes. USA Today habaryna súıensek, demokrattar - Ilhan Omar men Rashıda Tlaıb AQSh Kongresindegi alǵashqy musylman áıelder atanǵan.
