AQSh kongresi Soltústik Koreıaǵa qarsy sanktsııa salýǵa múmkindik beretin zań qabyldady
ASTANA. QazAqparat - AQSh kongresi Soltústik Koreıanyń ıadrolyq baǵdarlamasynyń damýyna jáne ballıstıkalyq zymyran jasaýyna kómektesken kez kelgen eldiń jeke jáne zańdy tulǵasyna qarsy sanktsııa salýǵa múmkindik beretin zań jobasyn qabyldady, dep habarlaıdy Reuters agenttigi.
Zań jobasy byltyr ázirlengen edi, alaıda onyń qabyldanýyna KHDR-dyń sýtegi bombasyn synaý jónindegi oqıǵa sebep boldy.
Zańǵa sáıkes Phenıanǵa ıadrolyq jáne jappaı qyryp-joıý qarýyn jasaýǵa materıaldyq kómek kórsetkenderge qatysty sharalar qoldanylýy tıis.
Sondaı-aq, sanktsııa salynǵan tizimdegilermen AQSh úkimeti qandaı da bir mámile jasaýǵa tyıym salynǵan.
Qujatty 418 kongressmen quptap daýys bergen, tek eki adam ǵana qarsy bolǵan.
Amerıka senaty KHDR-ǵa qarsy sanktsııa týraly taǵy da bir zań jobasyn taıaý arada qaramaqshy.
