AQSh Kongresi zańsyz ımmıgranttardy qamaýǵa alý týraly zań qabyldady

ASTANA. KAZINFORM — Ókilder palatasy men Senat AQSh aýmaǵynda zańsyz júrgen tulǵalardy qamaýǵa alýdy qarastyratyn zań qabyldady, dep habarlaıdy Kazinform menshikti tilshisi.

Ókilder palatasynda zań jobasyn qoldap 263 kongresmen daýys berdi, 156-sy qarsy shyqty. Respýblıkashyldarǵa 46 demokrat qosyldy. Senat qujat jobasyn 64 daýyspen maquldady. 12 demokrat qatań sharany qoldady.

Zań jobasy prezıdent Donald Trampqa qol qoıý úshin jiberildi, dep habarlaıdy NBC News. 

Zań jobasyna ótken jyldyń qarashasynda zańsyz ımmıgrant óltirgen Djordjııa shtatynyń 22 jastaǵy medbıke stýdentiniń qurmetine Leıken Raılı ataýy berildi. Kisi óltirýshi AQSh-ta zańsyz júrgen 26 jastaǵy Venesýela azamaty bolyp shyqty. Ol Raılıdi ýnıversıtet kampýsynyń janynda júgirip júrgende urlap, oǵan shabýyl jasaǵany jáne óltirgeni úshin sottaldy. Qylmysker shartty túrde merziminen buryn bosatý múmkindiginsiz ómir boıyna bas bostandyǵynan aıyrý jazasyna kesildi.

Senat zańsyz ımmıgranttardy mindetti túrde ustaýǵa ákeletin áreketterdiń tizimin keńeıtetin eki túzetý qabyldady: polıtsııa qyzmetkerine shabýyl jasaý jáne adamnyń ólimine nemese dene jaraqatyna ákeletin áreketter.

Leıken Raılı zań jobasyna qarsy shyqqan demokrattar onyń tym qatal ekenin alǵa tartty.

Osyǵan deıin AQSh prezıdenti Donald Tramp NATO-ǵa múshe elderden qorǵanysqa bóletin qarajatty jalpy ishki ónimniń 5 paıyzyna deıin kóterýdi talap etti.