AQSh Kongresi úkimetke naýryzǵa deıin jumys isteýine ruqsat beretin zań jobasyn qabyldady

ASTANA. KAZINFORM - Beısenbi kúni Kongress AQSh úkimeti jumysyn jarym-jartylaı toqtatýǵa jol bermeıtin zań jobasyn maquldady. Kazinform agenttiniń tilshisi bul týraly NBC News-ke silteme jasap habarlaıdy. 

Demokrattar basqaratyn Senat birneshe túzetýdi qaraǵannan keıin zańnamanyń sońǵy nusqasyna (77 jáne 18) daýys berdi. Respýblıkalyq palata ony 108-ge qarsy 314 daýyspen qabyldady.

Zań jobasy endi juma kúni qarjylandyrý merzimi aıaqtaǵansha zańǵa aınalý úshin AQSh prezıldenti Djo Baıdenniń ústeline jiberiledi.
Bul – ótken jylǵy qyrkúıekten bergi úshinshi ýaqytsha zań jobasy, óıtkeni bólingen Kongress búkil jyl boıy úkimettik qarjylandyrý týraly zań jobalaryn kelisýge tyrysyp keledi.

Birinshi ýaqytsha zań jobasy Kalıfornııalyq respýblıkashyl Kevın Makkartıdiń Ókilder palatasynyń spıkeri qyzmetinen ketýine ákeldi. Zań jobasy memlekettik qarjylandyrý merzimin uzartady, ol eki bólikten quralǵan: 19 qańtardan 1 naýryzǵa deıin aýyl sharýashylyǵy, áskerı qurylys jáne ardagerler isteri, energetıka jáne sý salalaryn qarajattandyrý qarastyrylsa, 2 aqpannan 8 naýryzǵa deıin úkimettiń qalǵan mekemeleri qarjylandyrylady.
Zań jobasynyń ımmıgratsııa jáne ulttyq qaýipsizdik týraly zańnyń qosymsha jobasyna qatysty kelissózderge qatysy joq. Ol bıylǵy jyly AQSh úkimetin tolyq qarjylandyratyn qarajattandyrý týraly 12 zań jobasyn óńdeý úshin kóbirek ýaqyt berýge arnalǵan.