AQSh Kongresi ýaqytsha bıýdjetti bekitti

ASTANA. KAZINFORM – AQSh Kongresi úkimettiń jumysy aı sońynda toqtap qalmas úshin 20 jeltoqsanǵa deıin ýaqytsha qarjylandyrýdy kózdeıtin zań jobasyn maquldady, dep habarlaıdy The Voice of America.

«Senatta ony 78 adam jaqtap, 18 qarsy daýys berdi», - dep jazdy aqparat agenttigi.

Birneshe saǵat buryn Ókilder palatasynyń 341 múshesi qysqa merzimdi qarjylandyrýdy uzartýdy qoldap, 82 adam qarsy daýys berdi. Sodan keıin qujat AQSh prezıdenti Djo Baıdenge qol qoıýǵa jiberiledi. 

Óz kezeginde Djo Baıden Kongrestiń eki palatasyna úkimet jumysynyń qymbatqa túsetin jabylýyn boldyrmaıtyn eqos partııalyq kelisimi úshin alǵys bildirdi. 

«Meniń ákimshiligim AQSh-tyń ulttyq qorǵanysyna, ardagerlerge, qart adamdarǵa, balalar men jumys isteıtin otbasylarǵa qarajattyń bólinýin qamtamasyz etý jáne Amerıka halqynyń shuǵyl qajettilikterin qanaǵattandyrý úshin Kongrespen jumys isteıtin bolady», - dedi prezıdent Djo Baıden Aq úı taratqan málimdemede. 

Biz buǵan deıin elderdiń AQSh úkimetiniń qaryzyna nelikten ınvestıtsııa salatyny týraly jazǵan bolatynbyz.