AQSh Kongresi Trampty 60-shy prezıdenttik saılaýdyń jeńimpazy dep jarııalady

ASTANA. KAZINFORM – AQSh Kongresi Tramptyń prezıdenttik saılaýdaǵy jeńisin rastady. Bul týraly BBC habarlady.

Vıtse-prezıdent Kamala Harrıs tóraǵalyq etetin AQSh Kongresi Donald Tramp jeńip shyqqan prezıdenttik saılaýdyń nátıjelerin rastady.

AQSh Konstıtýtsııasyna sáıkes, vıtse-prezıdent saılaýshylardyń daýystaryn rastaý úshin Kongresstiń eki palatasynyń birlesken otyrysynyń resmı tóraǵasy bolýy kerek. Bul joly tóraǵalyq 2024 jyldyń qarashasyndaǵy prezıdenttik saılaýda Donald Trampqa jeńilgen Kamala Harrıske buıyrdy.

– Donald Dj. Tramp, Florıda shtaty turǵyny 312 daýys aldy. Kalıfornııa turǵyny Kamala D. Harrıs 226 daýys aldy, - dep málimdedi Harrıs.

Resmı túrde AQSh-ta prezıdentti saılaýshylar alqasy tańdaıdy. Kimge daýys beretinderi qarasha aıynda ótetin bıýlletende anyqtalady. 

Aıta keteıik, buǵan deıin Harrıstiń basshylyǵymen AQSh Kongresi Tramptyń saılaýdaǵy jeńisin rastaıtynyn habarlaǵan edik. 

Saılaýshylar alqasy da AQSh prezıdenti saılaýynyń nátıjelerin rastady.