AQSh Kongresi Pentagonǵa 1,15 trln dollar bólýdi maquldady
ASTANA. KAZINFORM — AQSh Kongresiniń Ókilder palatasy 2027 jyly eldiń qorǵanys salasyna 1,15 trıllıon dollar bólýdi kózdeıtin zań jobasyn qoldady.
Qujatty 216 kongressmen qoldap daýys berse, 212 depýtat qarsy shyqty. Endi zań jobasy Kongrestiń Senatyna joldanady. Eger joǵarǵy palata da maquldasa, qujatqa qol qoıý úshin AQSh prezıdenti Donald Trampqa jiberiledi.
Alaıda Politico basylymynyń jazýynsha, qazirgi ýaqytta Kongrestiń eki palatasyn da baqylaýda ustap otyrǵan respýblıkashyldar Senatta qıyndyqqa tap bolýy múmkin. Óıtkeni zań jobasynyń qabyldanýy úshin keminde 60 senatordyń qoldaýy qajet.
Sonymen qatar Ókilder palatasy 95 mıllıard dollar bólýdi qarastyratyn taǵy bir zań jobasyn maquldady. Onyń ishinde 73 mıllıard dollardy Iranǵa qarsy áskerı operatsııany qarjylandyrýǵa baǵyttaý usynylǵan. Bul qujatty ta endi Senat qaraıdy.
Eske salaıyq, buǵan deıin AQSh pen Saýd Arabııasy beıbit atom energetıkasy týraly kelisimge qol qoıǵanyn habarlaǵanbyz.
