AQSh Kongresi Blınkendi zań shyǵarýshy organǵa qurmetsizdik tanytqany úshin aıyptady
ASTANA. KAZINFORM – AQSh Kongresi Ókilder palatasynyń Syrtqy ister komıteti eldiń memlekettik hatshysy Entonı Blınkendi zań shyǵarýshy organdy qurmettemegeni úshin jaýapkershilikke tartý máselesin qarastyrmaq. Bul týraly atalǵan komıtettiń tóraǵasy, Tehas shtatynan respýblıkashyl Maıkl Makkol málim etti. Bul týraly TASS aqparat agenttigi jazdy.
7 naýryzda komıtet Ókilder palatasy tolyq quramy Blınkendi komıtettiń 2023 jylǵy shildedegi kún tártibin oryndaýdan bas tartyp, sol arqyly Kongreske qurmetsizdik tanytqany týraly usynysy bar qarardy qarastyrý úshin jınalady.
Buǵan deıin eki kún buryn Makkol Memlekettik departamentiniń Kongreske 2021 jyly Aýǵanstannan AQSh kúshterin shyǵarýǵa qatysty qosymsha qujattardy usyný talaptaryn oryndamaǵany úshin Blınkendi jaýapqa tartýǵa nıetti ekenin aıtty.
Memlekettik departament baspasóz qyzmetiniń basshysy Mettıý Mıllerdiń aıtýynsha, syrtqy saıasat vedomstvosy bul máseleni «dostyq qarym-qatynasta» sheshýge tyrysty.
«Biz komıtetke júktelgen qadaǵalaý fýnktsııalaryn moıyndaımyz jáne osy sebepti olarǵa myńdaǵan bettik qujattardy tapsyrdyq», - dedi ol brıfıngide.
Mıllerdiń aıtýynsha, Memlekettik departament komıtetpen baılanysta bolyp, máseleni 7 naýryzǵa deıin sheshýge tyrysady.
2023 jyldyń maýsymynda Memlekettik departament 21 betten turatyn baıandamany jarııalady.
