AQSh komıssııasy spınnerlerdiń jarylý qaýpi bar ekenin eskertti
ASTANA. QazAqparat - Spınnerlerdiń jarylyp ketýi sıregenimen, áli tolyq joıylǵan joq dep habarlaıdy onliner.by .
Bul shaǵyn akkýmýlıatory bar Bluetooth-spınnerlerde jıi kezdesedi. Sondyqtan Amerıka bıligi tutynýshylarǵa saq bolý kerektigin eskertedi. Keńester AQSh-tyń ónimder qaýipsizdigi komıssııasynyń Týıtterdegi akkaýntynda jarııa etildi.
Mamandar spınnerdi betke jaqyn aınaldyrmaýǵa aýyzǵa salýdan bas tartýǵa keńes beredi. Úsh jasqa deıingi balaǵa spınner berýge tipten bolmaıdy.
Batareıamen jumys isteıtin spınnerden barynsha saq bolý kerek. Devaısti qýat alýy kezinde tekserý qajet, sondaı-aq ony túnde qýat kózine qosýǵa bolmadıy. Qosa qalǵan jaǵdaıda úıde tútinnen saqtandyratyn dabyl júıesi mindetti túrde ornatylǵan bolýy tıis.
Eske sala ketsek, maýsym aıynda Bluetooth-dınamıgi bar spınner qýatqa qosylyp turǵan kezinde jarylyp, kilemdi kúıdirip tastaǵan bolatyn.
