AQSh Kolýmbııaǵa esirtki kartelderimen kúres úshin 1 mlrd dollar bólmek
ASTANA. KAZINFORM – AQSh Kolýmbııanyń jańa prezıdenti Abelardo de la Esprıelıa ákimshiligin qoldaýǵa 1 mlrd dollar bólýdi josparlap otyr, dep habarlaıdy TASS.
AQSh Memlekettik departamentiniń baspasóz qyzmeti taratqan málimdemege sáıkes, Donald Tramp ákimshiligi Kongrespen birlesip, Kolýmbııanyń jańa prezıdentin qoldaýǵa baǵyttalǵan qaýipsizdik salasyndaǵy 1 mlrd dollarlyq kómek paketin jarııalaýdy josparlap otyr.
Qarajat Vashıngtonmen birlesip Batys jarty shardaǵy uıymdasqan qylmys pen esirtki saýdasyna qarsy kúreske baǵyttalmaq. Sonymen qatar qarjynyń bir bóligin ekonomıkalyq jobalardy júzege asyrýǵa, saýda kólemin arttyrýǵa jáne asa mańyzdy mıneraldar ken oryndaryn ıgerýge paıdalaný kózdelgen.
Kolýmbııa prezıdenti Abelardo de la Esprıelıa ınaýgýratsııadan keıin memleket basshysy retindegi alǵashqy sózinde eliniń AQSh qurǵan «Amerıka qalqany» alıansyna qosylatynyn málimdedi.
7 naýryzda Maıamıde ótken «Amerıka qalqany» sammıti aıasynda AQSh prezıdenti Latyn Amerıkasynyń birqatar elderiniń basshylarymen kezdesti. Olardyń qatarynda Argentına, Bolıvııa, Gondýras, Kosta-Rıka, Panama, Paragvaı, Salvador jáne Ekvador basshylary, sondaı-aq Chılıdiń saılanǵan prezıdenti boldy.
Sammıt barysynda esirtki kartelderine qarsy halyqaralyq áskerı koalıtsııa qurylǵany jarııalandy.
Aıta keteıik, AQSh-tyń qoldaýymen Venesýelada bılik pen oppozıtsııa kelissózge kiristi.
