AQSh Kolýmbııa prezıdentiniń vızasyn alyp tastady

ASTANA. KAZINFORM – Mundaı sheshim Kolýmbııa prezıdenti Gýstavo Petronyń amerıkalyq sarbazdardy AQSh prezıdenti Donald Trampqa baǵynbaýǵa shaqyrǵannan keıin qabyldandy, dep habarlaıdy Kazinform agenttigi. 

Buǵan deıin ımmıgratsııa jáne esirtki saýdasy boıynsha Tramp ákimshiligimen qaqtyǵysqan Petro BUU-nyń Nıý-Iorktegi shtab-páteriniń aldynda Palestınany qoldaıtyn toppen sóılesti. 

– Álemdik derjava Amerıka Qurama Shtattarynyń kúshinen asyp túsýi kerek. Sondyqtan osy jerden Nıý-Iorkte AQSh armııasynyń barlyq sarbazynan myltyqtaryn adamzatqa baǵyttamaýyn suraımyn. Tramptyń buıryǵyna baǵynbańdar. Adamzattyń buıryǵyna baǵynyńdar, - dep málimdedi Kolýmbııa basshysy. 

Petro sonymen birge BUU Bas assambleıasynda Trampty tikeleı synǵa alyp, onyń Gaza sektoryndaǵy «genotsıdke qatysy bar» ekenin aıtty. 

Petro en NY fue a la calle en una escena, la más ridícula posible, a decirle a la Fuerza Armada de Estados Unidos que no deben obedecer a Trump…

Deberían internarlo ya… en una clínica… pic.twitter.com/mALeCueSmb

— Vicky Dávila (@VickyDavilaH) September 26, 2025

Osydan keıin AQSh Memlekettik departamenti Kolýmbııa prezıdentiniń vızasynan aıyrylǵanyn jarııalaǵan málimdeme jasady. 

– Búgin tańerteń Kolýmbııa prezıdenti Nıý-Iork kóshelerine shyǵyp, amerıkalyq sarbazdardy buıryqqa baǵynbaýǵa jáne zorlyq-zombylyqqa shaqyrdy. Biz Petronyń bul áreketine baılanysty onyń vızasyn alyp tastaımyz, - delingen habarlamada. 

Earlier today, Colombian president @petrogustavo stood on a NYC street and urged U.S. soldiers to disobey orders and incite violence.

We will revoke Petro’s visa due to his reckless and incendiary actions.

— Department of State (@StateDept) September 27, 2025

Buǵan deıin AQSh Kolýmbııany esirtkige qarsy kúreste yntymaqtaspaıtyn elder qataryna qosqanyn habarlaǵanbyz.