AQSh: Kolorado shtatynda qaskóı sýpermarkette 10 adamdy atyp óltirdi
NUR-SULTAN. QazAqparat – AQSh-tyń Kolorado shtatyndaǵy sýpermarkette bolǵan atys saldarynan kem degende 10 adam qaza tapty. Bul týraly Boýlder qalasy polıtsııa basqarmasynyń Twitter-degi paraqshasynda habarlandy, dep habarlaıdy QazAqparat.
«10 adam qaza tapty», - delingen málimdemede. Buǵan deıin BAQ atys saldarynan kem degende alty adam kóz jumǵanyn, olardyń arasynda oqıǵa ornyna kelip jetken quqyqqorǵaý organdarynyń qyzmetkeri bolǵanyn habarlaǵan. Tártip saqshylary qaza bolǵandardyń týystaryna habar berilgenshe, qurbandardyń naqty sanyn ataǵan joq.
Qalalyq polıtsııa basqarmasynyń ókili buǵan deıin atys saldarynan quqyqqorǵaý organdarynyń bir qyzmetkeri qaza bolǵanyn rastady. Boýlder polıtsııa departamentiniń bastyǵy Marıs Gerold dúısenbi kúni ótken baspasóz konferentsııasynda bul atys ornyna barǵan 51 jastaǵy polıtsııa qyzmetkeri Erık Tellı ekenin naqtylady. Gerold, sondaı-aq, qylmysker adamnyń ustalǵanyn rastady.
Qylmyskerdiń áreketine ne sebep bolǵany belgisiz, onyń esimi atalmaı otyr. Polıtsııa basqarmasy basshysynyń aıtýynsha, oqıǵany tergeý birneshe kúnge sozylýy múmkin.
Eske sala ketsek, dúısenbi kúni King Soopers sýpermarketiniń qasynda belgisiz bireý atys bastap, odan keıin dúkenniń ishine kirip oq jaýdyrǵan.
