AQSh kólik ónerkásibiniń astanasy Detroıt bankrotqa ushyraýdyń sál-aq aldynda tur
ASTANA. 15 maýsym. QazAqparat - Detroıt 18,5 mlrd. AQSh dollary kólemindegi qaryzdy óteýdi ishinara toqtatty. Bul qalanyń bankrotqa ushyraǵanyn jarııalaýdyń bastamasyna aınalýy yqtımal, dep jazady Reuters. Detroıttyń tótenshe syrtqy basqarýshysy Kevın Orr qaryzdyń bir bóligin tóleýge moratorıı jarııalap, nesıe berýshilerge ishinara ótemaqy usyndy.
Fitch jáne S&P sarapshylarynyń baılamynsha, Detroıttyń aqyr aıaǵy bankrottyqqa ushyraıtyny daýsyz. Eger AQSh-tyń kólik astanasy taqyrǵa otyrsa, bul Mıchıgan shtaty úshin qaryz qunynyń artýyna ákelip soǵady.
Búgingi tańda Detroıtta 700 myńnan astam adam turady. Shamamen olardyń úshten bir bóligi kedeılikti bastan keshirip otyr.
