AQSh klınıkasynda atys bolyp, birneshe adam jaralandy

MINNESOTA. QazAqparat – Mınnesota shtaty Baffalo klınıkasynda seısenbi kúni bolǵan atys saldarynan bir adam mert bolyp, taǵy tórteýi jaraqat aldy. Bul týraly CNN telearnasy aýrýhananyń baspasóz hatshysyna silteme jasap habarlady.

Olardyń málimetinshe, jaralanǵan bes adamnyń bireýi aýrýhanada kóz jumǵan. Jaraqat alǵan taǵy bir adam aýrýhanadan shyǵaryldy, úsheýiniń jaǵdaıy aýyr. Mert bolǵan adam medıtsınalyq mekeme qyzmetkeri me – ol týraly klınıka ókili aqparat bermedi.

Jergilikti polıtsııa qyzmetkeriniń aıtýynsha, shabýyl jasaǵan 67 jastaǵy azamat ustalǵan. Atys «medıtsınalyq mekemege nemese osy mekemege qatysy bar adamǵa» baǵyttalǵan.

Foto: witter.com/DannySpewak