AQSh klınıkalarynyń birinde es-tússiz jatqan Qazaqstan azamatshasynyń taǵdyryn dárigerler konsılıýmy men ata-anasy sheshedi

Bul týraly búgin elordada ótken brıfıng barysynda QR SІM Konsýldyq qyzmet departamentiniń dırektory Rysqalı Dáýrenbek málim etti.

Esterińizge sala keteıik, «Work & Travel» baǵdarlamasy boıynsha AQSh-ta jumys istep júrgen pavlodarlyq Aınur Ahmetova Massachýsets shtatyndaǵy gospıtalderdiń birinde es-tússiz jatyr. R.Dáýrenbektyń aıtýynsha, ol túnde ózi jumys istep júrgen qonaqúıdiń basseıine shomylyp, belgisiz jaǵdaıda sýǵa batqan. Qonaqúı qyzmetkerleri qyzdy sýdan shyǵaryp, polıtsııa men jedel járdem shaqyrǵan. Amerıkandyq polıtseıler oqıǵany 4 tamyz kúni elimizdiń AQSh-taǵy Bas konsýldyǵyna habarlaǵan. Medıtsına qyzmetkreleriniń atap ótýinshe, ol qazirgi ýaqytta apparattyń kómegimen tynys alyp jatyr.

QR Syrtqy ister mınıstrligi Aınurdyń apaıynyń shuǵyl arada AQSh-qa ushyp barýy úshin amerıkandyq vıza alýǵa járdem berdi. Qazirgi ýaqytta ol Amerıkada, qasynda aýdarmashy bar.

«Erteń tús kezinde, shamamen saǵat 12-lerde dárigerlerdiń konsılıýmy ótedi, oǵan zardap shegýshiniń apaıy qatysady. Dárigerler men qyzdyń ata-anasy Aınurdyń ómirin jasandy túrde ustap turǵan apparatty óshirý, óshirmeý máselesin sheshedi. Ázirshe Aınurdyń tynys alyp jatqandyǵyn aıtqymyz keledi, biz qolymyzdan kelgen kómekti jasaımyz. Qajet bolǵan jaǵdaıda ony Qazaqstanǵa jetkizýge de qarjy bar», - dedi R.Dáýrenbek.

Sondaı-aq dıplomattyń atap ótýinshe, polıtsııa qyzmetkerleri bul jaıtty oqys oqıǵa dep baǵalaýda. «Ony sýdan shyǵarǵanda denesinde eshqandaı soqqy izderi bolǵan joq. Sonymen qatar qastandyq jasaý, tonaý máselesi de qarastyrylyp otyrǵan joq», - dedi ol.