AQSh Qyzyl teńizdegi kemelerdi kúzetý úshin jedel top qurýy múmkin
Qyzyl teńizdegi kemelerdi kúzetý jáne hýsıtterdiń shabýylynan qorǵaný úshin AQSh jedel áskerı-teńiz tobyn qurýdy josparlap otyr. Kazinform bul týraly The New York Times-qa silteme jasap habarlaıdy.
Amerıka prezıdenti Djo Baıdenniń ulttyq qaýipsizdik máseleleri boıynsha keńesshisi Djeık Sallıvannyń sózinshe, osy arqyly hýsıtterdiń ızraıldik kemelerge shabýylynyń aldyn alýǵa bolady.
- Biz kemeler Qyzyl teńizde qaýipsiz júzýi úshin teńizdegi jedel top qurý týraly basqa eldermen kelissóz júrgizip jatyrmyz, - dep túsindirdi Sallıvan.
Jeksenbi kúni Aden shyǵanaǵynda fosfor qyshqylyn tasymaldap bara jatqan Central Park tankerin hýsıtter basyp aldy.
AQSh ÁTK áskerı kemesi kommertsııalyq tankerdiń apattyq belgisin dereý qabyldap, kemeni bosatty.
