AQSh Qytaımen saýda boıynsha kelisimge keldi

ASTANA. KAZINFORM – AQSh prezıdenti Donald Tramp beısenbi kúni Qytaımen saýda kelisimine qol qoıǵanyn málimdedi, dep habarlaıdy Kazinform agenttiginiń menshikti tilshisi Newsweek-ke silteme jasap.

- Biz keshe ǵana Qytaımen kelisimge qol qoıdyq, - dedi Donald Tramp Aq úıde respýblıkalyqtardyń shyǵystaryna qatysty ótken jıynda.

Tramp kelisimniń mán-jaıy týraly eshteńe aıtpady, biraq ol Qytaıǵa jol ashatynyn jetkizdi.

Prezıdent sondaı-aq Úndistanmen jańa iri kelisim týraly ymdady.

- Biz Úndistanmen iri kelisim jasaǵaly otyrmyz, ol bizge Úndistannyń esigin ashady, - dep qosty Donald Tramp.

Tramp baj salyǵy engizilgen 9 shildege deıin 90 kúnde 90 kelisim jasaýǵa ýáde berdi.

AQSh pen Qytaı arasyndaǵy shıelenisken saýda soǵysynan keıin AQSh pen Qytaı arasynda saýda jospary bekitilgen. Tramptyń sózinshe, oǵan qol qoıyldy.

Beısenbi kúni Tramp BAQ ókilderiniń ýaqyty kelip qalǵan baj salyǵyn engizý merzimine tym qatty nazar bólgenin synǵa aldy.

Tramp kelisimdi barlyǵymen birdeı jasaı bermeıtinin aıtty. «Keıbirine tek hat joldaımyz da 25, 35, 45 paıyzdyq salyq tóleısińder dep aıta salamyz. Bul – eń ońtaıly jol»,-dedi ol.

Qarjy mınıstri Bessent osyǵan deıin osy aıda ákimshiliktiń 90 kúndik kidiristi uzartatynyn aıtty.

Qazirgi tańda ákimshilik odaqtasy Birikken Koroldikpen bir ǵana kelisim jasalǵan. Bul rette Birikken Koroldiktiń odaqtas bolǵanymen, AQSh-tyń myqty saýda áriptesi emes ekeni aıtylady.

Osyǵan deıin EO men AQSh saýda kelisimi boıynsha jumysyn jedeldetetini týraly jazdyq.