AQSh Qytaıdyń jańa tehnologııalardy satyp alýyna shekteýler engizdi

ASTANA. KAZINFORM – AQSh Qytaıdyń ótkizý qabileti joǵary jady tehnologııasyn satyp alýdy shektemek, dep habarlaıdy Kazinform menshikti tilshisi Swarajya silteme jasap. 

AQSh Saýda mınıstrliginiń Ónerkásip jáne qaýipsizdik bıýrosy Qytaıdyń jartylaı ótkizgish ozyq tehnologııalardaǵy ilgerileýin tejeýge baǵyttalǵan jańa erejeler týraly jarııalady. Aǵymdaǵy jyldyń 2 jeltoqsanynda jarııalanǵan bul sharalar áskerı tehnologııalar, jasandy ıntellekt (JI) jáne jetildirilgen qarýlarǵa qajet mańyzdy komponentterdi qamtıdy.

Eń mańyzdy baqylaý quraldarynyń ishinde jartylaı ótkizgishti jobalaý úshin qajetti mıkroshemalardy óndirýge arnalǵan jabdyqtyń 24 sanatyna jáne baǵdarlamalyq qamtamasyz etýdiń úsh mańyzdy túrine eksporttyq shekteýler bar. Sondaı-aq bul sharalarǵa jartylaı ótkizgish óndirýshilerden bastap ınvestıtsııalyq fırmalarǵa deıingi 140 qytaılyq kásiporyndy qara tizimge engizý kirip otyr.

Bul sharalardyń negizgi baǵyttarynyń biri – JI júıeleri men basqa da jetildirilgen esepteýish qosymshalar úshin mańyzdy quramdas ýltra jyldam joǵary ótkizý qabileti bar jad (HBM). AQSh-tan jáne shetelden shyqqan HBM-ge qoıylǵan shekteýler Qytaıdyń áskerı maqsattaǵy JI múmkindikterin keńeıtýine jol bermeýge arnalǵan.

AQSh-tyń baqylaýdy kúsheıtý qadamy qytaılyq tehnologııalyq alpaýyt «Huawei» aǵymdaǵy jyldyń 26 qarashasynda el jartylaı ótkizgishterdi eksporttaýǵa qatań shekteýler qoıǵandyqtan shyǵara almaıtyn jetildirilgen «Mate 70» chıpine negizdelgen smartfondar jelisin tanystyrǵannan keıin qabyldandy.

«Mate 70» tehnologııasynyń sekirisi Amerıkada alańdaýshylyq týdyrdy.

Buǵan deıin habarlaǵanymyzdaı, Qytaıda álemdegi eń iri altyn keni tabyldy.