AQSh, Qytaı, Japonııa men Germanııa: Almatydan 7 iri qalaǵa tikeleı reıs ashylady

ASTANA. KAZINFORM – Bıyl Almaty halyqaralyq áýejaıy jańa 7 baǵytqa áýe reısterin tasymaldaýdy bastamaq.

Endi qazaqstandyqtar Frankfýrt (Germanııa), Shanhaı (Qytaı), Gýanchjoý (Qytaı), Mýmbaı (Úndistan), Chendý (Qytaı), Nıý-Iork (AQSh), Tokıo (Japonııa) qalalaryna Almatydan tikeleı ushyp bara alady. Bul baǵyttarǵa týrısterdi tasymaldaý 2025-2029 jyldarǵa arnalǵan Almaty taý klasterin damytý jónindegi keshendi josparǵa sáıkes júzege asyrylady.

Nátıjesinde sheteldik týrısterdiń sany 630 myńnan 1,8 mln adamǵa deıin artyp, taǵy 25,1 myń týrızm salasynyń mamandary jumyspen qamtylýy múmkin.

Dál qazir joba «Ashyq NQA» portalynda qoǵamdyq talqylaýǵa ornalastyryldy. Ol 19 aqpanǵa deıin jalǵasady.

Osyǵan deıin Qazaqstannan Japonııa men AQSh-qa jańa áýe reısteri qashan ashylatyny týraly jazǵan edik.