AQSh kınoındýstrııa qaýymdastyǵy Qazaqstanda Gollıvýd kınolaryn túsirýdi usyndy
«Memleket basshysy týrızmdi damytýdaǵy óńirlerdiń mańyzdylyǵyna toqtalǵan bolatyn. Osy sebepti, biz eriktilerdi jumyldyrý arqyly usaq quqybuzýshylyqty barynsha joıýdy qarastyryp jatyrmyz. Týrızmniń jańa túrlerin damytý da erekshe nazarda. Olar - qasıetti, mádenı, tanymdyq, ekologııalyq, medıtsınalyq ári sporttyq týrızm», - deıdi Úkimet otyrysynda Mádenıet jáne sport vıtse-mınıstri Erlan Qojaǵapanov.
Vıtse-mınıstrdiń aıtýynsha, Qazaqstanǵa kelip jatqan týrısterdiń sany jyl saıyn artyp keledi. Іshki týrızm 25 paıyzdyq ósimdi kórsetip, 3,5 mıllıon adamǵa jetken. Týrızm salasyna salynǵan ınvestıtsııa 30 paıyzǵa artqan.
«Memleket basshysynyń jýyqtaǵy AQSh-qa sapary aıasynda amerıkalyq bıznesterdiń «kapıtandarymen» kezdesý ótkizildi. Ol kezdesýge AQSh kınoındýstrııa qaýymdastyǵynyń vıtse-prezıdenti Geıl MakKınnen qatysty. Ol Gollıvýdtyń kınolaryn bizdiń elde túsirýdi usyndy. Álbette, mundaı yntymaqtastyq ımıdjdik qalpyna keremet serpin berip, týrızm men ekonomıkaǵa mıllıardtyq «tıimdilik» ákeledi», - dep túıdi Erlan Qojaǵapanov.
