AQSh kelesi aptada Izraıl men Lıvan kezdesýin ótkizedi

ASTANA. KAZINFORM — AQSh Memlekettik departamenti kelesi aptada atysty toqtatýdy talqylaý úshin Izraıl men Lıvan ókilderi arasynda kezdesý ótkizýdi josparlap otyr, dep habarlaıdy TASS.

Agenttik budan artyq málimet bermedi.

Buǵan deıin Izraıl premer-mınıstri Bınıamın Netanıahý Lıvanmen «Hezbolla» uıymyn qarýsyzdandyrý jáne janjaldy «tezirek» sheshý týraly tikeleı kelissózder júrgizýge buıryq bergenin málimdegen. Axios tilshisi Barak Ravıd bul kelissózder kelesi aptada Vashıngtonda ótýi múmkin ekenin habarlady.

Aıta keteıik, BUU Bas hatshysy Antonıý Gýterrısh sársenbi kúni Izraıldiń sol kúni Lıvan aýmaǵyna jasaǵan jappaı soqqylaryn qatań aıyptady.

Jalpy Izraıl tek Lıvandy bombalap jatqan joq. Sondaı-aq Gaza sektoryna da shabýylyn jalǵastyryp jatyr. Sońǵy 40 kúnniń ishinde shabýyldar 36 ret tirkelgen.