AQSh Qazaqstannyń aýmaqtyq tutastyǵyn qoldaıdy - Elshi

ASTANA. QazAqparat – AQSh Qazaqstannyń egemendigin, táýelsizdigin jáne aýmaqtyq tutastyǵyn qoldaıdy. Bul týraly Qazaqstandaǵy Amerıka Qurama Shtattarynyń Elshisi Denıel Rozenblıým aıtty, dep habarlaıdy QazAqparat tilshisi.

«Búgin Amerıka Qurama Shtattarynyń Elshisi retinde Qazaqstan Prezıdentine akkredıtteý qujatyn tapsyrý mártebesine ıe boldym. AQSh Qazaqstan Respýblıkasynyń Táýelsizdigin alǵashqylardyń biri bolyp moıyndaǵanyn maqtan etedi. Yntymaqtastyqtyń 30 jyly ishinde biz barynsha qaýipsiz ári gúldengen óńir qalyptastyrý, qaýipsiz álem qurý, BUU jarǵylary men ustanymdaryn qoldaý maqsattaryn bólistik. AQSh Qazaqstannyń egemendigin, táýelsizdigin jáne aýmaqtyq tutastyǵyn qoldaıdy. Sonymen qatar ekonomıkalyq baılanystardy nyǵaıtyp, halyqtarymyz arasyndaǵy baılanystardy keńeıtýge múddeli», - dedi ol Aqordada Qazaqstan Prezıdentine senim gramtotasyn tapsyrǵannan keıingi brıfıngte.

AQSh Elshisi Qazaqstan Prezıdentiniń saıası, ekonomıka jáne qaýipsizdik salalaryndaǵy reformalaryna joǵary baǵalaıtyndyqtaryn aıta kele, olardy júzege asyrýǵa qoldaý bildiretindikterin atap ótti.

«Osynaý tamasha eldiń árbir óńirine baryp, halqymen tanysqym keledi. Amerıka Qurama Shtattarynyń Qazaqstandaǵy jańa Elshisi retinde qyzmet etý men úshin úlken mártebe. Strategııalyq seriktestigimizdi odan ári keńeıtip, tereńdetýge asyqpyn jáne tarıhy baı, tabıǵaty ǵajap Qazaqstanda turýǵa osyndaı múmkindik týǵanyna óte qýanyshtymyn», - dedi Denıel Rozenblıým.

Foto: uzreport.news