AQSh Qazaqstanǵa medıtsınalyq jabdyqtar jiberdi

NUR-SULTAN. QazAqparat – Amerıka Qurama Shtattary Qazaqstanǵa medıtsınalyq buıymdar men jabdyqtar joldady. Bul týraly QR Syrtqy ister mınıstrliginen málim etti, dep habarlaıdy QazAqparat.

«AQSh Qorǵanys mınıstrligi janyndaǵy Áskerı qaýipti azaıtý jónindegi agenttigi Qazaqstanǵa medıtsınalyq buıymdar men jabdyqtardy joldady. Bul tegin kómektiń ishine jeke qorǵanys quraldarynyń kóp ret qoldanylatyn jıyntyǵy kiredi – kombınezon, maska, qolǵap, kózildirik. Koronavırýs indetine qarsy kúres boıynsha tyǵyz yntymaqtastyqty jalǵastyra otyryp, Qazaqstan Syrtqy ister mınıstrligi, «SQ-Farmatsııa» JShS jáne Nur-Sultandaǵy AQSh Elshiliginiń ókilderi gýmanıtarlyq júkti qabyldap alýǵa qatysty», - delingen mınıstrlik aqparatynda.

Atap ótilgendeı, «SQ-Farmatsııa» JShS COVID-19 indetimen kúresý úshin Qazaqstanǵa usynylatyn barlyq gýmanıtarlyq kómekti alý jáne bólý jónindegi ýákiletti organ bolyp tabylady.