AQSh: Qazaqstandyq tıtan kompanııasyna qatysty shaǵym negizsiz
ÓSKEMEN. QazAqparat - AQSh qazaqstandyq «Óskemen tıtan-magnıı kombınaty» AQ-na qatysty shaǵymy joq ekenin málimdedi, dep habarlaıdy «QazAqparat» HAA.
«Tórt adamnan turatyn AQSh halyqaralyq saýda komıssııasy qazaqstandyq kompanııanyń ústinen túsirilgen shaǵymǵa qatysty qarsy daýys bergen bolatyn. Ol boıynsha Qazaqstannan ımporttalatyn keýekti tıtannan AQSh ónerkásibi materıaldyq zııan kórip jatqandyǵyn rastaıtyn negizdemelerdiń joqtyǵy rastaldy. Osyǵan baılanysty sheshim shyǵarylyp, «Óskemen tıtan-magnıı kombınaty» AQ-ǵa qatysty talqylaý toqtatyldy», - deıdi kombınattyń baspasóz qyzmeti.
Eske sala keteıik, AQSh Halyqaralyq saýda komıssııasynyń saıtynda (www.usitc.gov) 24 tamyz kúni «Óskemen tıtan-magnıı kombınaty» AQ-ǵa qatysty dempıngke qarsy jáne ótemaqy bajdaryn engizý boıynsha is qozǵaýǵa bastama kóterildi" degen aqparat jarııalanǵan bolatyn.
Komıssııanyń qaraýyna usynylǵan Petıtsııada: «ÓTMK» AQ-tyń AQSh-qa keýekti tıtan eksporttaýy dál osy qyzmetpen aınalysatyn Amerıkanyń «Titanium Metals Corporation» kompanııasyna materıaldyq zalal keltirip jatyr" degen aıyp taǵylǵan edi.
