AQSh Qazaqstandy dos dep maqtanyshpen ataıdy - Memlekettik hatshy Entonı Blınken
«Amerıka Qurama Shtattarynyń atynan Qazaqstan halqyn 2021 jylǵy 16 jeltoqsandaǵy Qazaqstan Táýelsizdiginiń 30 jyldyǵymen quttyqtaımyn.
AQSh Qazaqstannyń ekonomıkalyq baılanystardy nyǵaıtý, órkendeý men ósýdi ilgeriletý boıynsha kúsh-jigerin, sondaı-aq halyqaralyq beıbitshilik pen qaýipsizdikke qosqan zor úlesin joǵary baǵalaıdy.
Qazaqstan sońǵy otyz jyl ishinde Ortalyq Azııadaǵy ózgeristerdiń ortalyǵynda boldy. Ol ıadrolyq qarýdy taratpaýǵa degen berik ustanymymen ózin basqa elderge úlgi etip kórsetti jáne biz, júrgizilip jatqan saıası jáne adam quqyqtary salasyndaǵy reformalarmen shabyttymyz. Amerıka Qurama Shtattary Qazaqstandy Birikken Ulttar Uıymynyń Adam quqyqtary jónindegi keńesine saılanýymen quttyqtaıdy. Biz sondaı-aq Qazaqstannyń jańartylatyn energııa kózderin paıdalanýdy keńeıtý jáne sheteldik ınvestıtsııalar úshin klımatty jaqsartý jónindegi kúsh-jigerin qoldaımyz», - delingen Amerıka Memlekettik hatshysynyń quttyqtaýynda.
Sondaı-aq E.Blınken AQSh elimizdi dos retinde maqtanyshpen aıtatynyn jetkizdi.
«Amerıka Qurama Shtattary Qazaqstandy dos dep maqtanyshpen ataıdy jáne onyń egemendigi, táýelsizdigi men aýmaqtyq tutastyǵyna berikpiz. Biz eki el azamattarynyń ıgiligi úshin strategııalyq seriktestikti odan ári nyǵaıta beremiz», - dedi ol.
