AQSh qazaqstandyq stýdentterdiń vızasyn joıyp jatyr ma — SІM jaýaby

ASTANA. KAZINFORM — Syrtqy ister mınıstrligi AQSh-ta qazaqstandyq stýdentterdiń vızasynyń kúshin joıý jaǵdaıyna qatysty aqparatqa túsinikteme berdi. 

— Vashıngtondaǵy elshilikpen baılanystamyz, alaıda bizge vızany joıyp jatyr degen aqparat kelip túsken joq. Bul aqparatty biz de sizder sııaqty ashyq derekkózderden, BAQ arqyly bilip otyrmyz. Bizdiń bilýimizshe, vızany joıý, elden shyǵarǵan jaǵdaılar bolǵan, ásirese palestınalyq qozǵalystarǵa qatysatyndardy shyǵarǵan, — dedi Syrtqy ister mınıstriniń orynbasary Aqan Rahmetýllın Senat qabyrǵasynda ótken baspasóz máslıhatynda.

Onyń aıtýynsha, qazir atalǵan másele qaıta qaralyp jatyr.

— Sheshim óte tez qabyldanady, keıin baryp naqty zertteý júrgizilip, basqa sharalar qabyldana bastaıdy. Meniń oıymsha, alańdaýǵa negiz joq. Bilim berý júıesi barlyq jerde uqsas. Stýdentterge tek ózderiniń rektorlaryna, dekanattaryna jáne sheteldik stýdenttermen jumys isteıtin bólimderge júginip, oqýyn jalǵastyrý qajet. Eger olar zańdy negizde sonda oqyp jatsa, zańdy túrde túsken bolsa, stýdenttik vızalary bolsa, eshteńeden qorqýdyń qajeti joq, — dep tolyqtyrdy mınıstrdiń orynbasary.

Aıta keteıik, AQSh-tan óz erkimen qaıtatyn qazaqstandyqtar 1000 AQSh dollaryn alady. 

Búgin Senat AQSh-qa Almatydan 49 jylǵa jer telimin jalǵa berý týraly zańdy maquldady.