AQSh Qazaqstanda jalǵan aqparatpen kúresýge qarjy bólgen – Aq úı

ASTANA. KAZINFORM – Aq úı Djo Baıden ákimshiliginiń shyǵyndaryn jarııa etti. Atap aıtqanda, demokrat komandasy «Qazaqstandaǵy jalǵan aqparatpen kúresýge» aqsha bóldi, - dep málimdedi Aq úıdiń baspasóz hatshysy Karolın Levıtt.

Brıfıng barysynda Karolın Levıtt Baıden ákimshiligin «aqymaqtyq» úshin aıyptap, ol Gvatemalada jynys aýystyrý otasyna 2 mln dollar jumsaǵanyn málimdedi.

Budan bólek, Baıden prezıdenttigi kezinde AQSh Iraktaǵy «Sezam kóshesi» jańa shoýyna jáne «Qazaqstandaǵy jalǵan aqparatpen kúresýge» mıllıondaǵan dollar bóldi.

- Iraktaǵy jańa shoý qurýǵa 20 mln dollar, al Qazaqstandaǵy «jalǵan aqparatpen kúresýge» 4,5 mln dollar bólindi. Baıden taǵy 6 mln dollardy Mysyrdaǵy «týrızmdi qarjylandyrýǵa» bólgen, - dedi Levıtt.

Tramptyń baspasóz hatshysy qandaı jalǵan aqparatpen kúres týraly aıtyp jatqanyn túsindirgen joq.

QR Syrtqy ister mınıstriniń orynbasary Ermuhambet Qonyspaev AQSh-ta zańsyz júrgen Qazaqstan azamattaryna qatysty pikir bildirgenin jazǵan bolatynbyz.