AQSh Qazaqstan halqyn jáne konstıtýtsııalyq ınstıtýttardy qoldaıdy – Elshi mindetin atqarýshy
QR-daǵy Adam quqyqtary jónindegi ýákildiń resmı saıtynda málim etilgendeı, kezdesý Qazaqstandaǵy AQSh Elshiligi menkonsýldyǵynyń bastamasymen uıymdastyryldy.
Áńgime barysynda Kýo Djýdı Qazaqstandaǵy qańtar oqıǵalarynda qaza tapqandarǵa kóńil aıtty. D.Kýo AQSh-tyń Qazaqstandaǵy elshiligi Prezıdent Q.Toqaevtyń qańtardaǵy oqıǵalarǵa qatysty ashyq tergeýdi jáne adam quqyqtarynyń saqtalýyn qamtamasyz etý týraly ókimin quptaıtynyn jetkizdi.
Ombýdsmen D.Kýony qańtar oqıǵalarynan keıingi zańdylyq pen ádildikti qamtamasyz etýge járdemdesý, halyqtyń qaýipsizdigi men eldegi qalypty tirshilik áreketin qalpyna keltirý jónindegi azamattyq bastamalar jáne ulttyq aldyn alý tetiginiń qatysýshylary qabyldap jatqan sharalar týraly habardar etti. Ombýdsmen azamattardyń ótinishteri men oryn alǵan ózge de buzýshylyqtar týraly aıtyp berdi. Ol zańdylyqtyń saqtalýyn prokýrorlyq qadaǵalaý nemese sotqa shaǵymdaný aıasynda zańsyz sheshimderdiń jolyn kesý men kúshin joıýdyń mańyzdylyǵyn atap ótti. Sondaı-aq, ol 5-19 qańtar aralyǵynda Qazaqstannyń barlyq aýmaǵynda belgili bir shekteýlerdi kózdeıtin tótenshe jaǵdaı rejımi jarııalanǵanyn eske saldy.
E.Ázimova áńgime barysynda zań ústemdigi men adam quqyqtaryn qorǵaýdyń, qorǵanys pen medıtsınalyq kómekke qoljetimdilikti qosa alǵanda, belgilengen protsestik kepildikterdi saqtaýdyń, zańnyń ústemdigin qamtamasyz etýge baǵyttalǵan qylmystyq qýdalaý orbıtasynda turǵandarǵa qatysty mańyzdylyǵyn aıtty.
Kezdesý sońynda D.Kýo Qazaqstanǵa tezirek qalpyna kelýdi tiledi jáne amerıkalyq taraptyń zańdylyqty qalpyna keltirý jáne adam quqyqtaryn qorǵaý jónindegi is-qımyldardy qoldaýǵa daıyndyǵyn rastady.
