AQSh qaýipsizdikke baılanysty qyzmetkerlerine Malıden ketýge buıryq berdi
ASTANA. KAZINFORM — AQSh Memlekettik departamenti qaýipsizdik qateriniń artýyna baılanysty tótenshe jaǵdaılarǵa qatysy joq barlyq qyzmetkerleri men olardyń otbasylaryna Malı aýmaǵynan dereý ketýge buıryq berdi, dep habarlaıdy AnewZ.
Bul sheshim «Ál-Qaıdamen» baılanysy bar «Djamaat Nýsrat ál-Islam val-Mýslımın» toby Malıge otyn jetkizýdi toqtatyp, elge tosqaýyl engizgennen keıin qabyldandy. Uıym qyrkúıek aıynan beri Bamakoǵa baǵyttalǵan jáne shekaradan ótpek bolǵan janarmaı tasıtyn kólikterge shabýyl jasap keledi.
Blokada saldarynan elde janarmaı tapshylyǵy týyndap, úkimet mektepter men ýnıversıtetterdi eki aptaǵa japty. Sarapshylar muny 2021 jylǵy áskerı tóńkeristen keıin bılikke kelgen Malı úkimetine qysym kórsetý áreketi dep baǵalaıdy.
Memlekettik departamenttiń evakýatsııa týraly sońǵy sheshimi Vashıngtonnyń Sahel aımaǵyndaǵy turaqsyzdyq pen ekstremıstik toptardyń yqpalyna alańdaýshylyǵynyń artqanyn kórsetedi.
Eske sala ketsek, buǵan deıin AQSh-tyń joǵary laýazymdy tulǵalary qaýipsizdik úshin áskerı bazalarǵa kóship jatqanyn jazdyq.