AQSh qaýipsizdik maqsatynda Iraktaǵy elshiligin jartylaı evakýatsııalady

ASTANA.KAZINFORM - Baǵdadtaǵy AQSh elshiliginiń negizgi emes qyzmetkerleri men olardyń otbasylary qaýipsizdik maqsatynda  evakýatsııalanady, dep habarlady BBC.

Olar evakýatsııalaýǵa naqty ne túrtki bolǵanyn aıtpady, biraq sońǵy kúnderi Irannyń ıadrolyq baǵdarlamasy boıynsha kelissózder is júzinde tyǵyryqqa tireldi.

- Biz barlyq elshilikterimizde qajetti personal sanyn udaıy baǵalaımyz. Sońǵy taldaýlarymyzǵa súıene otyryp, biz Iraktaǵy mıssııamyzdy qysqartý týraly sheshim qabyldadyq, - dedi AQSh Memlekettik departamentiniń ókili.

Sheneýnikter AQSh bıliginiń elshilik qyzmetkerlerin evakýatsııalaý týraly sheshim qabyldaýyna ne túrtki bolǵanyn aıtpaıdy.

CBS telearnasynyń derekkózderge silteme jasap habarlaýynsha, Vashıngton Izraıldiń Iranda operatsııa bastaýǵa daıyn ekenin bilgen. AQSh Iran AQSh-tyń Iraktaǵy keıbir nysandaryna jaýap qaıtarýy múmkin dep qorqady.

«Nıý-Iork Taıms» gazeti de joǵary laýazymdy ırandyq sheneýnikke silteme jasap, Iran Izraıl shabýyl jasaǵan jaǵdaıda júzdegen ballıstıkalyq zymyrandy qoldanyp, jaýap soqqy berý josparyn jasaǵanyn jazdy.

Aıta keteıik, munaı baǵasy Taıaý Shyǵystaǵy geosaıası shıelenistiń kúsheıýi aıasynda barreline 69,8 dollarǵa (+4,3%) kóterildi, bul jetkizilimderdiń úzilýine qatysty alańdaýshylyqty arttyryp otyr.

Irakta sý tapshylyǵynan egis alqaptary ıgerilmeı qaldy.