AQSh qarjy mınıstrligi tsıfrlyq dollar ázirlep jatyr

VAShINGTON. QazAqparat – AQSh Qarjy mınıstrligi ortalyq banktiń tsıfrlyq valıýtasyn jasaýǵa kómektesetin tehnologııa boıynsha jumys istep jatyr, dep habarlaıdy QazAqparat The Hill-ge silteme jasap.

AQSh qarjy mınıstriniń orynbasary Nellı Lıan sársenbi kúni tsıfrlyq valıýtany engizý boıynsha Baıden ákimshiliginiń jospary týraly jańa aqparat usyndy.

AQSh Federaldy rezerv júıesi (FRJ) Kongress ruqsat berse, qarapaıym dollarmen birge paıdalanatyn tsıfrlyq dollar shyǵarý máselesin qarap jatyr.

Qazirgi ýaqytta zań shyǵarýshylar men saıasatkerler osy bastamany talqylaýda. Oǵan Qazynashylyq, FRJ jáne Aq úı vedomstvosy, Ekonomıkalyq konsýltanttar keńesi, Ulttyq ekonomıkalyq keńes jáne Ǵylymı-tehnıkalyq saıasat basqarmasy qatysyp jatyr. Qazirgi tańda jumys toby quryldy. Onyń usynysy AQSh-ta tsıfrlyq dollardy engizý boıynsha saıası sheshim qabyldaýda mańyzdy ról oınaıdy.