AQSh Qarjy mınıstrligi KQK, Teńizshevroıl jáne Qarashyǵanaq boıynsha sanktsııalardy alyp tastady

ASTANA. KAZINFORM - AQSh «Rosneft» pen «Lýkoıl» kompanııalaryna qatysty engizilgen sanktsııalar aıasynan Kaspıı qubyr konsortsıýmyn, «Teńizshevroıl» kompanııasyn jáne Qarashyǵanaq ken ornyn ıgerý jobasyn shyǵarý týraly sheshim qabyldady, dep habarlaıdy TASS. 

Bul týraly AQSh Qarjy mınıstrligi jarııalaǵan № 124B jalpy lıtsenzııasynda aıtylǵan.

Qujat KQK-nyń, «Teńizshevroıldyń» jáne Qarashyǵanaq jobasynyń operatsııalyq qyzmetine baılanysty qyzmetter kórsetýge jáne basqa da tranzaktsııalar júrgizýge ruqsat beredi. Alaıda bul lıtsenzııa atalǵan kompanııalar men jobalardaǵy úlesterdi satýǵa nemese berýge quqyq bermeıdi.

12 qarashada Qazaqstannyń energetıka mınıstri Erlan Aqkenjenov Qarashyǵanaq ken orny boıynsha sanktsııalardy alyp tastaýdy talap etilip jatqanyn habarlaǵan edi.

— Biz osy baǵytta jumys istep jatyrmyz. Qazaqstan tıisti qujattardy tapsyrdy, — dedi ol.

Buǵan deıin AQSh Qarjy mınıstrligi «Lýkoıl» men «Rosneft» munaı kompanııalaryn, sondaı-aq osy kompanııalardyń 34 enshiles qurylymyn AQSh-tyń jańa sanktsııalar paketi qataryna engizgen bolatyn. 

Aıta ketelik gazpromnyń Orynbordaǵy zaýyty Qarashyǵanaq gazyn 2050 jylǵa deıin óńdeıtin boldy.