AQSh qarjy mınıstrligi KQK jáne Teńizshevroıl jobalarynyń munaı qyzmetterine qoıylǵan shekteýlerdi alyp tastady

ASTANA.KAZINFORM - AQSh-tyń qarjy mınıstrligi Kaspıı qubyr konsortsıýmy men «Teńizshevroıl» jobalary aıasynda munaı kásipshiligi qyzmetterin kórsetýge ruqsat berdi. Bul týraly bas lıtsenzııada aıtylǵan, dep habarlaıdy Kazinform.

— Kaspıı qubyr konsortsıýmy nemese Teńizshevroıl jobalaryna qatysty 2025 jyldyń 10 qańtaryndaǵy belgileýmen («Munaı qyzmetterine tyıym salý») tyıym salynǵan barlyq tranzaktsııalarǵa ruqsat etilgen, — delingen AQSh Qarjy mınıstrliginiń sheteldik aktıvterdi baqylaý basqarmasynyń resmı qujatynda.

Aıta keteıik, buǵan deıin KQK bas dırektory «Kropotkınskaıa» munaı aıdaý stansasynda qalpyna keltirý jumystarynyń aıaqtalǵanyn habarlaǵan bolatyn.

«Teńizshevroıl» — Atyraý oblysyndaǵy álemdegi eń tereń munaı ken orny.

Kaspıı magıstraldy munaı qubyrynyń uzyndyǵy 1,5 myń km; eksportqa jetkiziletin qazaqstandyq munaıdyń úshten eki bóliginen astamy KQK arqyly tasymaldanady.

Aıta keteıik, buǵan deıin Energetıka mınıstrligi Kaspıı qubyr konsortsıýmy arqyly munaı jóneltýde shekteý joq ekenin habarlaǵan.