AQSh Qarjy mınıstri tarıf saıasatynda ilgerileý bolady dep úmittenedi

ASTANA. KAZINFORM – AQSh Qarjy mınıstri Skott Bessent tarıf saıasatyna jáne aldaǵy 90 kún ishindegi sheshýshi saýda kelisimderine úmitpen qaraıdy, dep jazady Yahoo Finance.

- Qytaıdy qoıa turaıyq. Bizde 15 iri seriktes bar. Biz Qytaıdy keıinge qaldyra turamyz. Biz óte jyldam jyljyp kelemiz jáne úderisti iri saýda seriktesterine yńǵaılap jatyrmyz, árıne, kelisimge baılanysty. Eger olar tarıfterin tómendetetin bolsa, biz alǵa jyljı alamyz degen oıdamyn, - dedi Skott Bessent.

Bul týraly Donald Tramptyń kelisim jasaýshylarǵa jańa kelisim jasaýǵa ýaqyt berý úshin joǵary tarıfterge 90 kúndik úzilis engizgennen keıin aıtyldy.

Tramp ta tańdaǵan baǵytynyń durys bolǵanyn áleýmettik jelide aıtyp ótti.

- AQSh tarıfterdiń rekordtyq deńgeıin engizip jatyr, al benzın, azyq-túlik jáne basqalarynyń barlyǵynyń quny tómendeıdi. Sol sııaqty ınflıatsııa da tómendeıdi. Berilgen ýáde - oryndalǵan ýáde! – dep jazdy Donald Tramp Truth Social jýrnalynda.

Biraq AQSh prezıdenti Qytaıǵa salynatyn tarıfterdi de ósirdi, óıtkeni álemdegi eń iri eki ekonomıka arasyndaǵy shaıqas kúsheıe tústi. Qytaı AQSh ımportyna baj salyǵyn 84%-dan 125%-ǵa kóterse, Qytaı ımportyna AQSh tarıfteri 145%-ǵa deıin kóterildi.

Osyǵan deıin Donald Tramptyń Qytaıǵa baj salyǵyn 145 paıyzǵa deıin kótergeni týraly jazdyq.