AQSh Karıb teńizinde taǵy bir munaı tankerin basyp aldy
ASTANA. KAZINFORM — AQSh-tyń Jaǵalaý kúzeti Venesýela sýlarynda besinshi munaı tankerin abordaj arqyly toqtatty. Sonymen qatar, sanktsııa salynǵan tankerlerge qatysty shekteýlerdi aınalyp ótýge tyrysqan kemelerge baqylaýdy jalǵastyryp otyr, dep habarlaıdy BILD.
Resmı tulǵalardyń málimetinshe, áńgime buryn Minerva M dep atalǵan Olina tankeri týraly bolyp otyr. Bul keme AQSh-tyń sanktsııalyq tizimine engizilgen.
Reuters agenttiginiń habarlaýynsha, tanker Shyǵys Tımor týy astynda júrgen, alaıda bul zańsyz bolǵany aıtylady.
Once again, our joint interagency forces sent a clear message this morning: “there is no safe haven for criminals.”
— U.S. Southern Command (@Southcom) January 9, 2026
In a pre-dawn action, Marines and Sailors from Joint Task Force Southern Spear, in support of the Department of Homeland Security, launched from the USS Gerald R.… pic.twitter.com/StHo4ufcdx
AQSh prezıdenti Donald Tramptyń ákimshiligi tankerlerdi ustaýdy Venesýelanyń ýaqytsha úkimetine qysym jasaý quraly retinde, sondaı-aq «kóleńkeli flotpen» kúresý úshin paıdalanyp otyr.
— Venesýelany oqshaýlaý — bizde barynsha tıimdi qysym tetikteri bar dep sanaýymyzdyń basty sebebi, — dedi AQSh memlekettik hatshysy Marko Rýbıo aptanyń basynda eki tanker ustalǵannan keıin.
Eske salaıyq, buǵan deıin AQSh eki munaı tankerin — reseılik «Marınera» munaı tankerin jáne azamattyǵy joq Sophia kemesin ustaǵan bolatyn.
Sonymen qatar, AQSh buǵan deıin Venesýelamen baılanysty tórt munaı tankerine sanktsııa engizgen.