AQSh: Kalıfornııada jolaýshylar poıyzy kólikpen soqtyǵysyp, úsh adam qaza tapty
ASTANA. QazAqparat - AQSh-tyń Kalıfornııa shtatynda pıkap júrgizýshisi joǵary jyldamdyqpen kele jatqan poıyzdyń aldynan temir jol arqyly ótpek bolýy saldarynan úsh adam qaza tapty, dep jazady Bı-bı-sı.
Oqıǵa juma kúni keshke Fresno qalasynyń mańynda oryn aldy.
BAQ habarlaǵandaı, júrgizýshi júk poıyzyn aınalyp ótpek bolyp, janyndaǵy joldaǵy jolaýshylar poıyzyn baıqamaı qalǵan. Poıyz shamamen saǵatyna 130 km jyldamdyqpen kele jatqan.
Pıkap soqtyǵysý saldarynan ekige bólindi, al onyń qozǵaltqyshy oqıǵa ornynan 37 metr jerge ushyp ketken, dep habarlady jergilikti patrýl qyzmeti.
Pıkaptyń úsh jolaýshysy da qaza tapty, al Amtrak poıyzynda bolǵan 235 jolaýshynyń biri de japa shekpedi. Poıyz jolserigi jeńil jaraqat aldy.
